Tifozët e Valencias sulmojnë autobusin e Barcelonës pas humbjes

Barcelona fitoi mbrëmjen e djeshme dhe ndeshjen e kthimit ndaj Valencias duke siguruar një biletë për në finalen e Kupës së Mbretit. Tifozët e ekipit vendas janë rebeluar, duke goditur autobusin e klubit katalanas pas përfundimit të ndeshjes. Siç shkruan “The Sun”, dritaret e autobusit janë dëmtuar nga sulmi i ultrasve të Valencia-s.

Ata filluan të gjuanin me objekte të ndryshe mjetin e transportit të Barcelonës pasi po tentonte të largohej nga impianti sportiv. Uniformat blu morën përsipër që të shoqëronin ekipin dhe stafin pas incidentit. Mediat më pas publikuan fotot e autobusit me dritare të thyer, por nuk ka pasur të dëmtuar.