Tirana barazon në sfidën direkte ndaj Bylisit

Ndeshja e javës së 16-të të Grupit B mes Bylis dhe Tiranës në Kategorinë e Parë ka përfunduar me barazim 1-1. Bardheblutë gjetën golin e avantazhit në fundin e pjesës së parë pas një kombinimi brenda zonës me Sentamo që shënon një gol të bukur në limitet e pjesës së parë.

Në pjesën e dytë Bylis hidhet në sulm për të gjetur me ngulm golin e barazimit dhe Tirana që kërkon të shfrytëzojë hapësirat në prapavijën kundërshtare me anë të kundërsulmeve të shpejta. Vendasit fitojnë një penallti në minutën e 85’ që shndërrohet në gol nga Shoshi.