Tirana rikthehet si kampione në Superiore, vendos Greca me dopietë

Tirana është fituesi i Kategorisë së Parë për sezonin 2017/18. Bardheblutë kanë fituar 2-0 në finalen e  zhvilluar në “Elbasan Arena”ndaj Kastriotit. Ndeshja u vendos nga një dopietë e sulmuesit kryesor të bardhebluve, Bedri Grecës, që shënoi në minutat e 64-t dhe 73-të të pjesës së dytë.

Me këtë titull kampion, Tirana i jep fund makthit një vjeçar të pjesëmarrjes në Kategorinë e Parë, pasi që nga Gushti i këtij viti do të rikthehet në Kategorinë Superiore.