Tjetër “shuplakë” për La Liga

Idea për të organizuar ndeshje të La Liga në territorin amerikan, pas kundërshtimit nga zyrtarë të Barcelonës ka marrë një shuplakë edhe nga Reali i Madridit. Është vetë trajneri i “Los Blancos” Julen Lopetegui që në konferencën për shtyp përpara sfidës me Girona është shprehur kundër kësaj ideje.

“Ne jemi duke menduar për gjëra të tjera, por e kam parë këtë dhe unë jam me lojtarët. Ata (drejtues të La Liga)kanë argumente dhe arsye për të menduar se çfarë bëjnë ata dhe unë nuk mund ta shoh që kjo të ndodhë. Ky është mendimi im”– tha Lopetegui.

Drejtuesit e futbollit spanjoll shpalosën planet për të mbajtur ndeshjet e rregullta sezonale në shtetet e tjera si pjesë e një plani zgjerimi të ligës por një gjë e tillë ka marrë edhe mohimin nga Sindikata e lojtarëve spanjoll që zhvilloi një takim me lojtarët më të mirë të mërkurën, duke deklaruar se futbollistët ishin unanimisht kundër propozimit.

Megjithatë burime pranë La Liga thonë se ato i dinë se di cilat do të jenë dy skuadrat që do të luajnë ndeshjet në SHBA dhe se klubet në fjalë kanë dhënë miratimin e tyre.