Totehem rrezikon të humbasë Son për dy vite për shkak se nuk ka kryer ushtrinë

Totehem mund të humbasë sulmuesin Son Heung-Min për dy vite. Futbollisti koreano-jugor nuk ka kryer ushtrinë në vendlindjen e tij dhe sipas ligjit atje të gjithë meshkujt duhet të bëjnë rreth 21 muaj shërbim ushtarak para se të mbushin 28 vjeç.

Son e arrin këtë moshë në Korrik të 2019-ës dhe thirrja nga ushtria do ta përjashtonte nga sezonet e 2019-2020 dhe 2020-2021.

Megjithatë qeveria e Koresë së Jugut bën edhe përjashtime për “yjet” e sportit, të cilët marrin pjesë në eventet e mëdha. Që do të thotë se, nëse lojtari i Totenhemit zhvillon një paraqitje të mirë me Kombëtaren në Botërorin e Rusisë, nuk do ta kryejë ushtrinë.