Tottenham dhe Chelsea kualifikohen gjysmëfinalen e EFL Cup (VIDEO)

Tottenham fitoi 2-0 derbin e Londrës përballë Arsenalit, të vlefshëm për fazën çerekfinale të EFL Cup, duke u kualifikuar njëkohësisht për në fazën gjysmëfinale, ku do të gjejë përballë Manchester Cityn e Guardiolës. Golat u shënuan nga koreano-jugori Son Hueng-min dhe ylli anglez Delle Ali, që ishte ndër më të mirët në fushën e lojës.

Në gjysmëfinale kaloi edhe Chelsea, që sot priti në “Stamford Bridge” skuadrën e Bournemouthit, të cilën e mposhti me rezultatin minimal 1-0, falë një goli të shënuar nga belgu Eden Hazard, në minutën e 84-t të takimit.

Skuadra e Sarrit ka një short më të lehtë, pasi në gjysmëfinale do të përballet me modestët e Burtonit, gjithsesi vlen të theksohet se historia ka treguar se kupat në Angli prodhojnë shumë shpesh surpriza.