Tottenham në alarm, dëmtohet sërish ylli i skuadrës së “Spursave”

Probleme nga infermieria për trajnerin e Tottenahm, Mauricio Pochettino, i cili për sfidat e tjera duhet të bëjë pa shërbimet e Dele Alli. 22-vjeçari, i cili sapo ishte rikthyer nga një dëmtim muskulor, të cilin e pësoi gjatë ndeshjes me Spanjën në Nations League, është dëmtuar sërish.

Mesfushori është dëmtuar në kofshë në sfidën e Kupës së Ligës ndaj Watford. Ai rrezikon që të mos jetë i gatshëm as për ndeshjen e Champions League ndaj Barcelonës, e cila do të luhet të mërkurën në mbrëmje.