Trajneri i njohur i Serie A dërgohet me urgjencë në spital. Ja gjendja e tij

Ka njoftime se trajneri i Torinos Walter Mazzarri u dërgua në spital natën e kaluar pasi është ndjerë keq, por nuk mendohet të ketë diçka serioze.

Ish-trajneri i Napoli, Inter dhe Watford thuhet se është në spitalin Molinette në Torino, ku e sollën mbrëmë nga shtëpia, sipas Calcionews24.com.

Ai u nënshtrua testeve dhe sugjerimi fillestar është se nuk ka asgjë për t’u shqetësuar dhe ai mund të jetë në stol për ndeshjen e së hënës në Serie A kundër Cagliarit.

Mazzarri ka pasur një problem edhe më herët kur ai drejtonte Napolin.