Trajneri i Vllaznisë u kërkon lojtarëve të jenë më profesionistë

Trajneri i Vllaznisë, Ernest Gjoka, në prononcimin e tij pas fitores 2-1 me Lushnjën u duk i gëzuar për 3 pikët e marra, por aspak i kënaqur me rastet e humbura.

“Pas shumë peripecive morëm më në fund 3 pikët. Humbëm shumë raste që mund të ndikonin në rrjedhën e lojës. Duhet të jemi më të qetë dhe profesionistë që të arrijmë më të mirën tonë. Duhet të kemi besim te vetvetja dhe atëherë do jemi në rrugën e duhur. Kemi disa dëmtime, por duhet që të kemi të gjithë në dispozicion. Ndaj Luftëtarit nuk do jetë e thjeshtë dhe duhet të jemi më konkretë se sot”, tha Gjoka.