U shit në Belgjikë te Ostende, për Sidrit Gurin vjen edhe ftesa e Kombëtares

Sidrit Guri nga sezoni i ardhshëm do të jetë një futbollist i klubit të Ostendes në Belgjikë duke u larguar nga Superliga pas një sezoni të jashtëzakonshëm.

Por duket se marrëveshja e arritur dje ka patur edhe efekte të tjera. Kukësi, klubi ku sulmuesi shkodran luan aktualisht, ka publikuar lajmin se Guri është thirrur nga Kombëtarja për ndeshjet e ardhshme.

24-vjeçari prej kohësh priste ftesën e Christian Panucci-t por duket se ajo që e ka bindur italianin ka qenë pikërisht transferimi i tij në Belgjikë.