U shkatërrua 3-0 nga Sevilla, trajneri i Realit surprizon me deklaratat

Real Madrid u mposht në transfertë ndaj Sevillas me rezultatin befasues 3-0, në ndeshjen e vlefshme për javën e gjashtë të kampionatit spanjoll.

Të tre golat e ndeshjes u shënuan në pjesën e parë, ndërsa madrilenët ruajnë vendin e dytë, pasi edhe rivalët e tyre, Barcelona u mposhtën ndaj Leganes.

Pas kësaj ndeshje ka reaguar edhe trajneri i  Kampionëve të Europës, Julen Lopetegui.

Trajneri spanjoll pranoi se kundërshtari ishte më lart se ekipi i tij dhe pranoi se ekipi kishte një formë shumë të dobët.

Ai tha:

Problemi jonë ishte se Sevilla ishte dukshëm më mirë se ne. Pasi humbëm disa raste të pastra në pjesë të dytë, na u prenë shpresat edhe pse po luanim mirë. Ishte një performancë e dobët nga ana jonë.”

Real Madrid ka regjistruar këtë sezon në La Liga katër fitore, një barazim dhe një humbje, duke grumbulluar 13 pikë, po aq sa Barcelona, por katalanasit kanë një golavarazh më të mirë.