U shpall më i miri i “Euro 2020”, Donnarumma shfaqet në krah të Berlusconit: Nder të takoj presidentin!

Pas një Europiani të suksesshëm, ku veç fitimit të trofeut, u shpall dhe lojtari më i mirë, portieri Gianluigi Donnaruma, është duke shijuar pushimet. Gjatë ditëve të pushimit, ai është takuar me ish-Presidentin e Milanit, Silvio Berlusconin.

Këtë takim e ka konfirmuar vetë portieri, i cili ka ndarë dhe një foto me të në rrjete sociale. “Është gjithmonë një nder dhe privilegj të takoj Presidentin Berlusconi”, shkruan Donnarumma.

22-vjeçari u shpall lojtari më i mirë i Europianit. Ai priti 2 penallti në finale ndaj Anglisë, si dhe atë deçiziven, që solli në Romë trofeun. Së fundmi është transferuar me parametra zero te Paris Saint Germain.