UEFA heq dorë nga procedurat disiplinore ndaj Realit, Barçës dhe Juves

UEFA ka njoftuar së fundmi se nuk do të ndjekë procedurat disiplinore kundër Real Madridit, Barcelonës dhe Juventusit, tri klubeve të mbetura në mbështetje të projektit t Superligës së Europës. Dy gjigantët spanjollë dhe “Zonja e Vjetër” kishin argumentuar në Gjykatën e Madridit se përpjekja e UEFA -s për t’i sanksionuar për krijimin e një lige separatiste ishte në kundërshtim me Ligjin Evropian të Konkurrencës.

UEFA ka shpjeguar se beson se nuk është në interesin e saj ose në interesin e shoqatave të lidhura me të që të përfundojnë në gjykatë. Institucioni i futbollit evropian njoftoi se do të vazhdojë të bëjë gjithçka që duhet për të parandaluar formimin e një lige separatiste, duke ruajtur të drejtën për të rifilluar procedurat ligjore nëse projekti, ose ndonjë projekt i ngjashëm, do të rifillojë.