UEFA mund të dënojë trajnerin dhe presidentin e PSG-së sepse kritikuan arbitrin pas ndeshjes

“Gabimet e arbitrit na kanë kushtuar shumë, arbitri ka ndihmuar Realin”. “Vendimet gjyqtarit na kanë dëmtuar në mënyrë të qartë” … Presidenti i Paris Saint Germain, Naser Al Kelaifi dhe trajneri Unai Emeri kanë akuzuar arbitrin italian Xhanluka Roki, duke e fajësuar atë për humbjen 3-1 në duelin e parë në “Santiago Bernabeu”.

Sipas “IUsport portal”, departamenti i kontrollit, etikës dhe disiplinës së UEFA-s do të studiojnë procedurat disiplinore ndaj presidentit dhe trajnerit të PSG-së. Vendimi do të merret këtë të premte, ose të hënën e javës tjetër.

Për raste të ngjashme, UEFA ka dënuar më parë trajnerin Pelegrini për fyerjet ndaj gjyqtarit Jonas Erikson, në duelin ndaj Barcelonës.