United bën gati 60 milionë euro për mbrojtësin serb të Fiorentinës

Manchester United ka pasur jo pak probleme në mbrojtje gjatë këtij sezoni, por mesa duket Mourinho e ka gjetur një mbrojtës që mund t’i shërbejë. “Djajtë e Kuq” gati të paguajnë deri në 60 milionë euro për të siguruar shërbimet e mbrojtësit të Fiorentinës, Nikola Milenkoviç.

Jose Mourinho ishte duke ndjekur fitoren e Serbisë mbi Malin e Zi këtë javë dhe u supozua se ai ishte atje për të zbuluar mesfushorin e Lazio-s, Sergej Milinkoviç-Saviç.

“La Nazione” këmbëngul se ai ishte atje për të parë nga afër mbrojtësin e Fiorentinës, Milenkoviç, i cili ka shkëlqyer në sezonin e fundit. Ai sapo mbushi 21 vjeç këtë javë dhe verën e vitit 2017 Partizani Beogradit e shiti për shifrën e 5 milionë eurove te klubi italian.