United “kopjon” Realin, ja kush do të jetë trajneri i ri i ekipit anglez

Pas humbjes 3-1 ndaj Liverpoolit, Manchester United vendosi të shkarkonte Jose Mourinhon nga detyra e trajnerit. “Djajtë e Kuq” njoftuan se do të emërojnë një trajner të përkohshëm dhe pastaj në fund të sezonit do të bëjnë një zgjidhje afatgjate. Një strategu që ka ndjekur edhe Reali në sezonet e fundit fillimisht me Zidane dhe tashmë me Solarin.

Sipas Sky Sport, do të jetë Michael Carrick trajneri i ardhshëm i Man Utd dhe emërimi i tij do të ndodh brenda 48 orëve. Anglezi ka qenë pjesë e stafit të Mourinhos ndaj dhe njeh mjaft mirë grupin e futbollistëve.

Carrick është pjesë e Man Utd prej 12 sezonesh dhe një nga futbollistët më të mirë në historinë e klubit. Ai ka luajtur në 464 ndeshje duke shënuar 24 gola.

Sfida e ardhshme e United në kampionat do të jetë ndaj Cardiff-it, teksa United mban aktualisht vendin e 6-të me vetëm 26 pikë. Në fazën e parë të eliminimit direkt të Ligës së Kampionëve skuadra angleze do të përballet me Paris Saint Germainin.