Uzuni mund i vetëm me tripletë Prishtinën, Shkëndija shkatërrohet nga Mura (VIDEO)

Prishtina dhe Shkëndija e Tetovës janë eliminuar që në turin e parë në Champions League. Kampionët e Kosovës u mposhtën 1-3 në duelin e kthimit, pas 3-0 të duelit të parë.

Beratasi i shënoi të tre golat e kampionëve të Hungarisë. Fillimisht e zhbllokoi ndeshjen katër minuta nga nisja e fraksionit të dytë të lojës, ndërsa Mendurim Hoti vendosi baraspeshën.

Uzuni më pas shënoi edhe dy gola të tjerë në portën e Prishtinës, që tani pret të mësojë nesër ekipin kundërshtar në turin e dytë të Conferencen League, që do të jetë një mes Connah’s (Uells) dhe Alashkert (Armeni).

Kampionët e Maqedonisë së Veriut u çmontuan 5-0 nga Mura kampionia e Sllovenisë.