“VAR” në Superiore, gjyqtari kthen futbollistin e ndëshkuar me të kuq pas 3 minutash (VIDEO)

Një rast i pabesueshëm ka ndodhur në ndeshjen mes Tiranës dhe Flamurtarit.

Artim Pollozhani ka marrë kartonin e dytë të verdhë, rrjedhimisht të kuqin, pasi kryesori Koçi ka menduar se mbrojtësi e ka prekur topin me dorë. Protesta për gati tri minuta, por Pollozhani detyrohet të lërë fushën.

Në momentin që ai po dilte, arbitri i katërt i bën me shenjë të kthehet në fushë, pasi Koçi kishte ndërruar mendim. Diçka që nuk është parë më parë në fushat tona.