Vidal kthehet në problem te Barcelona

Pep Segura, menaxheri i Barcelonës, ka kritikuar ashpër mesfushorin Arturo Vidal i cili ditët e fundit ka shprehur zemërim për faktin se nuk po luan shumë me skuadrën katalanase.

Në intervista për “Sport” dhe “Mundo Deportivo”, Segura tha se kiliani nuk ka respektuar shokët e skuadrës me fjalët që ka thënë.

“Ka treguar mungesë respekti ndaj shokëve, por jam i sigurtë që do ta kuptojë gabimin”, theksoi menaxheri. Tani pritet përgjigjja e Vidalit nga grumbullimi i kombëtares së Kilit.