Vllaznia probleme në mbrojtje, Gjoka kërkon “ndihmën” e Canës

Vllaznia këtë sezon lufton për të mbijetuar pasi pas 16 javëve të para renditet në vendin e 9 me vetëm 15 pikë. Skuadra shkodrane ka shfaqur probleme të mëdha kryesisht në repartin e mbrojtjes.

Trajneri Ernest Gjoka jo në pak raste ka shprehur dëshirën që skuadra e tij të bëjë ndonjë përforcim në prapavijë, por së fundmi ai ka një ide të çuditshme. Në një postim në “Instagram” të ish-kapitenit të kombëtares Lorik Cana, ai i shpreh dëshirën për ta pasur në pjesën e dytë të sezonit.

“Bëhu gati se kam nevojë për qendërmbrojtës”, i ka shkruar ish-trajneri i Kukësit. Sigurisht kjo është në kuadrin e një batute, pasi Loriku e ka lënë prej gati dy vitesh futbollin. /Koha Jonë/