Vllaznia zyrtarizon sulmuesin nga Guinea, i rritur te akademia e Sportingut

Vllaznia nuk di të ndalet as në merkato, teksa sot ka zyrtarizuar afrimin e radhazi. Pas malazezit Kalezic, sot ka hedhur firmën mbi kontratë edhe sulmuesi 28-vjeçar nga Guinea, Salim Cisse që prej disa ditësh po stërvitej me kuqeblutë.

“KF Vllaznia bën të ditur se sot ka firmosur edhe me sulmuesin Salim Cisse. Ky i fundit kishte disa ditë që ishte në provë dhe stafi teknik ka dhënë OK-in për marrjen e tij. Kuptohet që pritshmëritë janë të mëdha, sepse kemi të bëjmë me një lojtar cilësor, i cili është formuar tek akademia e Sportingut të Lisbonës.

Kontrata e tij është 1-vjeçare, me të drejtë zgjatje edhe për një tjetër, por kuptohet që performanca e tij në këto muajt e ardhshëm do të vendosë më shumë për këtë. Mirë se erdhe tek Vllaznia, Salim!”.