“Wanda figurë negative, mendon vetëm për një gjë”

Abian Moreno është një nga ish-menaxherët e Mauro Icardit, i cili e ka thënë hapur mendimin e tij në lidhje me zhvillimet e fundit për mosmarrëveshjet për rinovimin e argjentinasit,

“Icardi ka dhënë shumë si sulmues në fushë, por ka në krah një figurë negative, që mendon vetëm paratë. Puna e tij në fushë është e jashtëzakonshme, është përmirësuar shumë. Por Wanda mendon vetëm për paratë dhe jo për imazhin dhe vlerën e tij si kapiten i Inter-it.

Një menaxher mund të flasë për rinovim, por është mënyra si e bën këtë që ka rëndësi. Nuk mund të thuash ‘këto janë shifrat e Icardi-t’ dhe të nxjerrësh gjithçka në rrjetet sociale. Duhet të flasësh me klubin, jo të nxjerrësh gjithçka në internet”, ka thënë Moreno.