Ylli i Portugalisë akuzohet për ngacmim seksual në një klub nate

Një vajzë e re pretendon se William de Carvalho i ka prekur gjoksin gjatë një nate në klubin e Lisbonës Dock. Maria, viktima e supozuar, ka bërë këtë deklaratë të bujshme në Twitter dhe ka zbuluar se mesfushori i ka prekur gjoksin në një klub nate në Lisbonë, në orët e para të mëngjesit të së mërkurës.

“Unë isha duke kërcyer me një shoqe… deri kur dikush vjen dhe më prek gjoksin në mënyrë brutale. Kur kthehem shoh një djalë të gjatë duke qeshur. Ai filloi duke më treguar se kush ishte”, shprehet vajza.

Megjithatë, përkundër akuzave, avokati i lojtarit ka mohuar akuzat, duke shtuar se nuk ka ndodhur asgjë. “Është e gjitha false, asgjë nuk ka ndodhur, William është i qetë” tha ai, duke kërcënuar se do të padisë në gjykatë për shpifje, shkruan Correio da Manhã.