Zbulohen pamjet kur shpërtheu Ronaldo ndaj Allegrit pas ndeshjes (VIDEO)

Eliminimi nga Champions League ndaj Ajax, ka lënë një shije të hidhur te Juventusi, që vijon të vuajë pasojat e kësaj disfate. Sot në rrjetet sociale, është shfaqur një video, që rindez diskutimet. Pamjet (të publikuara në Instagram nga Tackle Duro) flasin vetë.

Në momentin e vërshëllimës përfundimtare në stadiumin “Allianz”, Cristiano Ronaldo shikon nga stoli dhe bën një gjest elokuent, duke treguar se dikush kishte frikë. Hipotezat kanë shpërthyer menjëherë, duke aluduar se ndoshta po i referohej trajnerit Massimiliano Allegri, për shkak se strategu italian i përkushtohet shumë lojës mbrojtëse.