Zbulohet “fatura” që duhet të paguajë Barcelona për shkarkimin e Koeman

Barcelona para pak ditësh mori vendimin për të shkarkuar trajnerin Ronald Koeman, por tashmë duhet të përballet edhe me një kosto financiare.  Sipas mediave spanjolle, klubi katalanas e ka dëmshpërblyer teknikun holandez me një shifër rreth 12 milionë euro, ndërsa në total kosto arrin në 16 milionë euro.

Me dëmshpërblimin e siguruar, Koeman hyn në listën e 10 trajnerëve që i kanë kushtuar më tepër klubeve pas shkarkimit.

Antonio Conte kryeson me 31 milionë eurot e marra nga Chelsea në vitin 2018, teksa Mourinho plotëson dy shkallët e tjera të podiumit me 23 milionë euro nga Manchester United në vitin 2018 dhe 21 milionë euro nga Chelsea në vitin 2007.