Ze Maria: Goli na stresoi, tani kam më të mirë se Karabeci

Trajneri i Tiranës, Ze Maria foli pas ndeshjes kundër Luftëtarit, ku mori një fitore shumë të rëndësishme. Një ndeshje me shumë presion te të dyja skuadrat, por në fund Ze Maria doli triumfues.

E kishit menduar një fitore të tillë me një lojtar më pak?

Kisha menduar fitoren, sot e rëndësishme ishte të fitonim ndeshjen, pak rëndësi ka rezultati.

Pamë sërish debutues te Tirana.

Imamin e kisha parë në miqësore, dhe kur thashë se pas ndeshjes së tretë do shihni një Tiranë tjetër, për këtë skuadër me dëshirë e kisha fjalën. Tani duhet të punojmë për ndeshjen me Kukësin.

Stres i madh te ekipi, a mendoni se ka ikur pas kësaj fitoreje?

Hoxhallari është një lojtar i rëndësishëm për ne. Skuadra është futur në stres pas golit të shënuar, përpara publikut. Jemi rikthyer të luajmë pas golit të pësuar. I kam thënë skuadrës të luajmë të qetë edhe kur shënojmë, dhe të mos ekzaltohemi.

Sa e vështirë ishte t’i thoshit kapitenit se do ishte në stol?

Kapiteni është një lojtar serioz dhe profesionist. Kam komunikuar me të, dhe i kam treguar se në futboll duhen bërë disa zgjedhje. Ai do të ketë hapësirat e tij, dhe në këtë moment thjesht u zgjodhën disa të tjerë.

Me rikthimin e Ngos, do ndryshojë faza e sulmit te Tirana?

Majkëll është një zgjidhje që e kemi në skuadër. Ai është një lojtar i mirë, dhe bëri mirë sot në sulm. Gjithsesi, në fushë do të jenë ata që janë më në formë. Ngo do të jetë një alternativë më shumë cilësore.