Zeniti befason Napolin, ka gati 27 milionë euro për Sarrin

Mauricio Sarri është drejt largimit nga Napoli. Kontaktet midis trajnerit dhe Aurelio De Laurentis kanë qenë të shpeshta në ditët e fundit, por qëndrimi te Napoli nuk është ende i sigurt. Në orët e fundit është shfaqur edhe një opsion i ri.

Nuk është Çelsi klubi që mund të paguajë klauzolën prej 8 milionë eurosh të largimit të Sarrit nga Napoli, por Zeniti i Shën Petersburgut. Drejtuesit e klubit rus janë të fiksuar pas trajnerëve italianë dhe pas Spaletit e Mançinit synojnë Sarrin.

Zeniti i ka ofruar një kontratë 3-vjeçare me një pagë prej 8-9 milionë euro në sezonit teknikut aktual të Napolit i cili ka ende dyshime se cilin klub duhet të zgjedhë për të vazhduar karrierën. Sarri ka marrë disa ditë për të reflektuar, në pritje të një telefonate nga Londra. /Koha Jonë/