Zyrtare/ Jeison Murillo firmos me Barcelonën

Tashmë është zyrtare! Jeison Murillo është futbollisti më i ri i Barcelonës.

Ish-mbrojtësi i Interit ka kaluar në formë huazimi te kampionët në fuqi të La Liga nga Valencia, duke hedhur një hap mjaft të madh në karrierën e tij.

Huazimi i Murillo besohet se i ka kushtuar vetëm 2 milion euro arkave katalanase, ndërsa për blerjen përfundimtare të tij, Barcelona do të shfrytëzojë opsionin në fundin e këtij sezoni.

Sipas mediave sportive çmimi final i kolumbianit është përcaktuar në 26 milion euro.