Zyrtare/ Kamza transferon një sulmues meksikan (VIDEO)

Kamza ka përforcuar repartin e avancuar me një bomber që vjen nga Meksika. David Izazola, 27-vjeçari i lindur në Ciudad de Mexico është sulmuesi më i ri i Kamzës, lajmin e ka konfirmuar vetë klubi i Superiores në faqen zyrtare. Sëfundmi Izazola është aktivizuar në kategorinë e dytë meksikane me skuadrën e Atlantes me të cilën në 9 takime nuk ka realizuar asnjë gol.

Në të kaluarën sulmuesi është aktivizuar edhe në ligën e parë meksikane me skuadrën e Pumas UNAM. Izazola është meksikani i parë i cili do të luajë në Kategorinë Superiore. Sulmuesi është afruar nga Fabio Kordela, i cili e njeh mjaft mirë lojtarin, pasi më parë ne ka pasur edhe tek skuadra e Honved.

Shumë shpejt lojtari do ti bashkohet Kamzës në stërvitje, teksa do të rivalizojë për një fanellë titullari me Martinenan, Rezin por edhe Sebino Plakun.