Zyrtare, Markizio zgjedh Zenitin e Shën Petërsburgut

Klaudio Markizio është zyrtarisht një futbollist i Zenit të Shën Petersburgut në Rusi. Ish futbollisti i Juventusit, ka firmosur një kontratë 2-vjeçare me klubin nga Rusia.

Ish Mesfushori bardhezi, prishi kontratën më “Zonjën e Vjetër” më 17-gusht për të vijuar karrierën jashtë Italisë.

Lajmin e ka publikuar vetë klubi rus në faqen zyrtare. Markizios i ka pëlqyer projekti i Zenitit. Aktualisht Zeniti kryeson Premier Ligën ruse me 16 pikë të grumbulluara në 6 javë ndërsa do të marrë pjesë edhe në fazën e grupeve të Europa Ligë.

Në këtë aventurë të re 32-vjeçari do të mbajë veshur fanellën me numër 10. Me Zenitin, Markizio do të përfitojë 3 milionë euro plus bonuset në sezon. /ATA/