Sonte në mbrëmje do të startojë dhe faza e grupeve në Europa League. Roma nënkampione e Europës, do të luajë në transfertën në Tiraspol kundër Sheriff. Verdhekuqtë vuajnë ende pasojat e finales së humbur, sezonin e kaluar, në Budapest, pasi trajneri Jose Mourinho nuk do të jetë në stol.
Portugezi do të mungojë në ndeshjen e parë, nga katër që mori dënim nga UEFA, pas deklaratave të finales me Sevilla, kundër arbitrit Taylor. Atalanta do të presë në shtëpi polakët e Rakow Czestochowa.
Liverpool ndërkohë debuton kundër LASK Linz. Pesë herë fituesit e Champions nisen si favoritë në Europa League, trofe të cilin nuk e kanë fituar me formatin e ri. Një ndeshje shumë interesante pritet të jetë dhe ajo mes Ajax dhe Brighton.Holandezët cilësohen si një prej skuadrave që mund të pretendojnë t’i shkojnë deri në fund aktivitetit.
