Irani po tregon një forcë sulmi ndryshe në Shqipëri, kjo me luftë kibernitike. Eksperti IT, Gent Progni thotë se sulmi kibernetik mbi sistemin TIMS është shumë alarmant sa mund të kemi edhe shkelje të sigurisë kombëtare.
Për të sulmi është i mirëpërgatitur dhe i mirëmenduar për pasojat. Progni po ashtu sugjeron që të ngrihen grupe pune serioze për të menaxhuar situatën e krijuar.
”Mund të kemi edhe shkelje të sigurisë kombëtare. Aty ka informacion sensitiv për çdo person, ku ka lëvizur dhe si ka lëvizur. Ky grup ka treguar edhe me shtete më të zhvilluara se i kanë të gjitha kapacitetet dhe investimet për të arritur kudo”,-tha në ”Euronews Albania”.
