Sedloski ka debutuar me fitore në pankinën e Vllaznia, teksa skuadra shkodrane u rikthye te triumfi me një sukses 3-1 ndaj Erzenit.
Një eurogol i Herald Markut me një goditje nga distanca dërgon në festë stadiumin në minutën e 42-të. Vendasit e nisin në mënyrë perfekte pjesën e dytë, pasi Latifi dyfishoi shifrat.
Miqtëdo riktheheshin në lojë në minutën e 76-të me të zakonshmin Nonato. Gjithsesi në të 87-tën, shpresat e Erzenit u shuan plotësisht, pasi Jonuzi realizoi golin e 3-të. Vllaznia renditet në vendin e katërt (41 pikë), ndërsa shijakasit një vend më poshtë (37 pikë).
Laçi ka përmbysur 1-2 Teutën në Durrës. Të parët që “tundën rrjetën” ishin durrsakët me Dacin, ndërsa kurbinasit kthyen gjithçka në favor të tyre pas golave të Guindo dhe Shkurtaj.
