Kryeministri Edi Rama mbledh sot në Tiranë përfaqësuesit e partive politike shqiptare në Shkup. Takimi do të nisë rreth orës 19:30 në vilën qeveritare 30 dhe pritet të diskutohen çështje të ndryshme, me fokus roli i shqiptarëve në rajon.
Në këtë mbledhje pritet të ngrihet çështja e ndryshimeve kushtetuese në Maqedoninë e Veriut dhe kushtet e partive shqiptarëve për të dhënë votën pro qeverisë. Mbledhja e partive shqiptare në Shkup e thirrur nga Lëvizja Besa dështoi të vihej në lëvizje.
Është pikërisht kjo parti, e cila i ka vënë kusht Ramës që në tryezë të mos jetë BDI, duke e akuzuar Ali Ahmetin se përdor këto takime për të amnistuar problemet e brendshme në partinë e tij. Sipas ministrit të Jashtëm, Bujar Osmani nuk duhet krijuar konspiracion. Ai e quan darkën e Tiranës një takim për vitin e ri, në të cilin do të shkëmbehen mendime për çështje aktuale në rajon.
