Kryetari i Partisë Republikane, Fatmir Mediu zhvilloi këtë të mërkurë një takim pune në ambientet e Kryesisë së Kuvendit me ambasadoren e SHBA-së në Tiranë, Yuri Kim dhe me sekretarin Michael Ball. Yuri Kim prezantoi shqetësimin për ndikimet ruse në financimin e partive politike.
Në takim u ra dakord për rëndësinë e financimit transparent të partive politike dhe shmangien e ndikimit të aktorëve të huaj në zgjedhjet dhe politikën shqiptare. Po ashtu bashkëbiseduesit ranë dakord për nevojën e një demokracie funksionale si dhe rolin e rëndësishëm të opozitës
Po ashtu Mediu e informoi ambasadoren Kim dhe Ball, për vizitën e deputetëve shqiptarë të grupit IPAC në SHBA me ftesë të senatorëve amerikanë Menendez dhe Rubio.
