Turqia ka hedhur një hap përpara drejt miratimit të anëtarësimit të Suedisë në NATO pas muajsh diskutime dhe refuzime. Vendimi do votohet nga Parlamenti turk në ditët në vijim për t’i dhënë përfundimisht dritën jeshile vendit nordik.
Komiteti i Punëve të Jashtme të Turqisë miratoi anëtarësimin e Suedisë në aleancën ushtarake, duke eliminuar një nga pengesat përfundimtare për Stokholmin.
Parlamenti turk pritet të ndjekë këtë linjë mendimi kur të votojë, me presidentin Rexhep Tajip Erdogan duke sinjalizuar se ai është në favor dhe partia e tij qeverisëse AK së bashku me aleatët e saj.
