Ramadan Ndreu nuk është më trajner i Kastriotit. Lajmin e ka bërë të ditur vetë klubi krutan, që njofton se pas një takimi me drejtuesit e klubit, palët kanë vendosur të ndërpresin me marrëveshje bashkëpunimin.
Pikërisht fakti që edhe për 11 ndeshjet e ardhshme Ndreu nuk mund të ulet në pankinë për të drejtuar skuadrën, drejtuesit e klubit krutan kanë vendosur që të ndërpresin bashkëpunimin dhe të kërkojnë për një tjetër trajner, që të mund të drejtojë ekipin nga pankina.
Njoftimi i plotë i klubit krutan:
KS Kastrioti njofton se ka mbyllur me konsensus bashkëpunimin me trajnerin Ramazan Ndreu. Pas një takimi të zhvilluar ditën e sotme me presidentin, të dy palët janë dakordësuar për ta mbyllur këtë bashkëpunim. KS Kastrioti e falënderon teknikun për kontributin e dhënë në skuadër dhe i uron shumë suksese.