Akti i fundit i Champions League në edicionin 2025-2026 mund të luhet në Shtetet e Bashkuara të Amerikës. Konfirmimi erdhi nga Presidenti i UEFA-s, Aleksander Ceferin, gjatë intervistës për “Men in Blazers”.
“Është e mundur që finalja e Champions të luhet në Shtetet e Bashkuara. Diskutimet kanë nisur, por vendimi nuk erdhi sepse më parë ishte Kupa e Botës, në vitin 2024 do të zhvillohet Kampionati Europian. Këtë vit finalja do të luhet në Stamboll, në 2024-ën në Londër dhe në vitin 2025 në Monako. Më pas, të shohim.
Finalja në SHBA është e mundur, në këtë periudhë futbolli gëzon mjaft popullaritet aty. Amerikanët janë të gatshëm të paguajnë shifra të larta për produktin më të mirë. Njerëzit aty e ndjekin futbollin evropian, njësoj sikundër evropianët ndjekin NBA”, deklaroi Ceferin.
