Presidenti i Shteteve të Bashkuara të Amerikës, Joe Biden ka mbrojtur edhe njëherë vendimin dhe mori përgjegjësinë për tërheqjen e trupave amerikane nga Afganistani, pas largimit të ushtarëve të fundit nga ky vend një ditë më parë.
Kreu i Shtëpisë së Bardhë vlerësoi dhe procesin e evakuimit të civilëve dhe bashkëpunëtorëve në Afganistanin e zaptuar nga talebanët, duke thënë se ishte një ndër më të mëdhenjtë në histori, për një periudhë kohore kaq të shkurtër.
“Asnjë vend në botë nuk ka bërë diçka të tillë me evakuimin. Vetëm Shtetet e Bashkuara kanë kapacitete dhe aftësinë për këtë gjë”, tha Biden.
