Për Vetting-un e politikanëve që Lulzim Basha e kërkon, ish-kryeministri Sali Berisha thotë se ka kërkuar më herët dhe se ka qenë nismëtar, por propozimi i kreut Basha për të është rrëzuar nga Venecia.
Në fjalën e tij në ”Foltoren” e Lezhës, para demokratëve Sali Berisha theksoi se propozimi i dorëzuar nga PD në Kuvend është mashtrim.
”Kam qenë nismëtar dhe mbështes Vetting-un e politikanëve, por jo mashtrimin. E dërguam ligjin në Komisionin e Venecias, dhe e hodhi poshtë. Ligje që nuk i pranon Komisioni i Venecias, atëherë ne duhet të bëjmë një ligj tjetër që nuk shkelmon orientimin e Komisionit të Venecias. Të kthehemi tek SPAK dhe tek Edi Rama, do të thotë që je peng dhe vasal i tij”.
