Presidenti francez Emmanuel Macron po përballet me kritike, kjo pasi hoqi para kamerave një orë “luksoze” gjatë një interviste në të cilën po diskutohej reforma e tij e pensioneve.
Incidenti ndodhi gjatë një intervistës të transmetuar në “prime time” të mërkurën ndërkohë që Macron po argumentonte arsyet e tij për rritjen e moshës së daljes në pension.
Presidenti uli duart poshtë tavolinës dhe nis të zbërthejë orën. Teksa vijonte të fliste, Macron e hoqi orën dhe e largoi nga vetja. Kur i ngriti sërish duart nga tavolina, ora nuk ishte më poshtë mëngës këmishës. Ekipi i tij këmbënguli që heqja e orës ishte tërësisht e pafajshme. Por ky moment u shfrytëzua nga kritikët e presidentit.
Franca është përfshirë këtë javë nga protestat pas vendimit të Macron-it për të rritur moshën e daljes në pension nga 62 në 64. Përfaqësuesit e presidentit francez kanë deklaruar se ai e hoqi orën pasi po bënte zhurmë kur përplasej me tryezën.
MACRON – Oops the moment Macron realises he’s wearing a very expensive watch whilst telling French people they must sacrifice more!
First you see it …. And then with a quick fiddle under the table… now you don’t!
We see you Macron 🤡 pic.twitter.com/Wk6ntiHTzr
— Bernie's Tweets (@BernieSpofforth) March 24, 2023
