Kombëtarja shqiptare e futbollit luan sot në 20:45 kundër Çekisë në “Air Albania”, për grupin E të Euro 2024. Kuqezinjtë vijnë në këtë duel si kryesues të grupit, teksa përballen me skuadrën që nuk ka humbur asnjë takim në këto kualifikuese.
Siç shihet në pamjet e sjella nga gazetari i ”Koha Jonë” Rozalb Lika, tifozët kuqezi po shkojnë drejt stadiumit ”Air Albania”.
Kujtojmë se pas pesë ndeshjeve në grupin E kualifikues të Euro 2024, Shqipëria mban vendin e parë në grup me 10 pikë, dy më shumë se Çekia që ka edhe një ndeshje më pak. Më pas Moldavia me tetë pikë, Polonia me gjashtë dhe mbyllin klasifikimin Ishujt Faroe me një pikë.
