Gjatë vizitë në Odesa të Ukrainës ku Rusia vijon me sulme dhe bombardime, presidenti i Këshillit Europian, Charles Michel është detyruar të futet në një vendstrehim për shkak të një sulmi ajror të avionëve rusë.
Michel ishte duke zhvilluar një vizitë në qytetin port të Ukrainës për të parë nga afër impaktin e luftës ruse në zinxhirin e furnizimit global me ushqime bazë.
“Është jashtëzakonisht e rëndësishme të jesh këtu. Kjo është një ditë simbolike dhe është e rëndësishme të tregojmë se nuk jemi të frikësuar nga Moska. Prania ime këtu simbolizon mbështetjen e palëkundur të BE-së për Ukrainën. Dua të konfirmoj se do të ofrojmë mbështetjen maksimale për ju, për ekipin tuaj dhe popullin ukrainas”,-tha vetë Michel.
