Pas dy humbjeve, Vllaznia është rikthyer te fitorja. Shkodranët triumfuan 2-0 në shtëpi ndaj Kukësit, në një ndeshje të bukur dhe me raste.
Herald Marku me një supergol në minutën e 20-të dhe Fjoart Jonuzi në minutën e 44-t, i dhanë fitoren kuqebluve.
Një sukses shumë i rëndësishëm për skuadrën e Josës, që ngjitet në vendin e dytë me 31 pikë, po aq sa edhe Partizani.
Kukësi mban vendin e parafundit në renditje me 22 pikë të grumbulluara.
