Gazment Bardhi, nënkryetar i PD dhe kryetar i grupit parlamentar demokrat foli në emisionin KOHA JONE-DEBAT te Nikoll Lesi për rrëzimin e kryeministrit Rama, për Berishën që mbetet përbashkuesi i gjithë demokratëve, theksoi se PD po organizohet për zgjedhjet vendore me kandidatët më të mirë.
Bardhi tha se Tirana do jetë shkaterrimi i Ramës pasi do ti fitojë opozita. Po kështu ai ishte i vendosur që njerëzit e biznesit të madh janë oligarkët pranë Ramës, duke kundërshtuar indirekt Flamur Nokën i cili një javë më parë deklaroi se Shqipëria nuk ka oligarkë. Gaz Bardhi tha se ky është mendimi im dhe nuk e ndryshon. Më tej shefi i deputetëve të PD-së, nënvizoi se Berisha dëgjon çdo mendim në grup e në Kryesi të PD, bile shumëherë ka debate të forta për mënyrën sesi duhet rrëzuar kryeministri.
Bardhi ndër të tjera shtoi se Rama do ti humb zgjedhjet vendore dhe më pas do humb edhe pushtetin politik. Ndërkohë Nikoll Lesi e kundërshtoi duke sqaruar “se i kemi dëgjuar shumë vite këto deklarata, por Rama akoma qeveris pa u shqetsuar nga Berisha”. Lesi debatoi me Bardhin duke i thënë se duhet të jeni të besueshëm që njerëzit t’ju votojnë. Ai ishte i mendimit se qeveria ka rënë moralisht dhe politikisht, por jeni Ju si PD që nuk keni takat ta rrëzoni.
Me tej drejtuesi i emisionit debatoi me shefin e deputetëve të PD se si ka mundësi që nuk përbashkoni krejt opozitën e vertetë kundra qeverisë, porse mblidhni disa partiza koti që nuk kanë elektorat. Lesi foli se pse PD e Berisha nuk e përzgjedhin një emër si kandidat për kryeministër në mënyrë që ai të përgatitet dalëngadalë për të bërë fushatën e që më pas, nëse fiton zgjedhjet, të jetë zëvëndësi i Berishës.
Gjatë debatit Lesi e pyeti Gazment Bardhin se kush prej këtyre emrave mund të jetë nesër kandidati për kryetar i PD: Argita Berisha, Gazment Bardhi apo Tomor Alizoti.
Gazmen Bardhi foli me emra për oligarkët rreth kryeministrit, sikurse dha mendime për disa emra në PD.
Shiheni LIVE në Youtube! (kliko te Watch on YouTube)