Max Allegri është gjithnjë e më larg rikonfirmimit në stolin e Juventus-it, pavarësisht një kontrate më shumë se të blinduar me klubin. Drejtuesit e klubit e dinë se si do të ndikojë në buxhet marrja e një trajneri të ri, por kjo mund të jetë një lëvizje e menduar mirë. Pagat e shumë lojtarëve kryesorë do të ulen dhe do të shmangen shpenzimet e tjera në merkato, disa rikthime në Torino dhe parametra të tjerë zero do të kompletojnë skuadrën.
Synimi i Juventus-it sezonin e ardhshëm është të kthehet protagoniste, sipas një postimi të gazetarit turk Ekrem Konur, Zinedine Zidane do të jetë trajneri i ardhshëm i Zonjës. Francezi do të kthehej në Itali pas 22 vitesh, në vitin 2001 u largua nga bardhezinjtë si futbollist për t’u transferuar te Real Madrid. Në këtë rast, ai do të zbarkonte në stolin bardhezi pasi stërviti Los Blancos, duke arritur një nga objektivat e tij.
Zidane nuk e ka fshehur kurrë se do të bënte ndonjë sakrificë për stolin e Juventus-it, zbarkimi në sezonin 2023-24 shkon pikërisht në këtë drejtim. Domethënë, me një rrogë të kufizuar (hipotezë, pesë milionë në vit) dhe një skuadër për t’u rritur me të rinjtë e shumtë të Next Gen.
Ardhja e francezit mund të zhbllokojë edhe disa marrëveshje nga La Liga, si ajo për lojtarin me kosto zero Asensio, si dhe një rikthim i mundshëm i Morata-s, i cili luan aktualisht tek Atletico.
