Zjarrfikësve u mohohet prej të paktën 3 vitesh, paga e orëve të natës, ndaj këtë të enjte dolën në protestë. ”Ne e bëmë këtë protestë që ta shohë kryeministri. Tani mos të flasim broçkulla, ligjin e bën kryeministri”.
Rreth 1250 punonjësve të këtij shërbimi në të gjithë Shqipërinë nuk iu paguhen orët e punës gjatë natës. Ndonëse një konstatim të tillë e ka bërë edhe Inspektoriati i Punës, institucionet qeverisëse nuk janë vënë ende në lëvizje.
Më të vjetërit në këtë profesion, thonë se asnjëherë nuk janë trajtuar denjësisht për punën e vështirë që kryejnë. Protesta ishte paralajmëruar kombëtare, por sindikata thotë se në shumë qytete zjarrfikësve u është bërë presion për të mos dalë në tubim.
