Marash Kumbulla ishte një nga më të mirët në fushë për Kombëtaren tonë, duke qenë thuajse perfekt në duelin ndaj Robert Lewandowskit. Mbrojtësi shkodran ishte i jashtëzakonshëm, teksa këtë gjë e konfirmojnë edhe statistikat e “Sofascore”.
Kumbulla fitoi 6 nga 6 duelet ajrore (100%). Ai gjithashtu fitoi 3 nga 3 duelet e tjera (100%), ndërkohë që bëri dhe 5 spastrime. Marash Kumbulla nuk shkaktoi asnjë faull ndeshjen e djeshme.
Përkundrazi, ndaj tij u shkaktuan 4 faulle. Ndërkohë që një nga pikat që duhet të korrigjohen janë pasimet, që për momentin arrijnë një saktësi prej vetëm 81%. Në mungesë të Gjimshitit të dëmtuar, Kumbulla i tregoi Mourinhos se po gabon rëndë që e mban në stol.