Milani vijon ecurinë e rezultateve pozitive, duke marrë fitoren e tretë radhazi në kampionat. Skuadra kuqezi mori një sukses 2-1 në transfertën ndaj Veronës.
Ndeshja nisi në mënyrën më të mirë për ekipin e Piolit, që gjeti avantazhin pas një autogoli të shënuar nga Veloso në minutën e 9-të. 10 minuta më pas Gunter, do të barazonte shifrat, teksa u ndihmua dhe nga një devijim.
9 minuta nga fundi i ndeshjes, Rebic do të jepte një asist perfekt për Sandro Tonali-n, i cili goditi saktë brenda zonës. Milani me këtë fitore ngjitet në kuotën e 23 pikëve në vendin e tretë. /R.Lika-Koha Jonë/
