Roman Abramovich ka vendosur në shitje Chelsea. Ndërkohë që sipas “The Sun”, në fundin e kësaj jave pritet të vijë edhe një ofertë zyrtare për aksionet e “Bluve të Londrës”.
Një konsorcium zviceriano-amerikan i përbërë nga Todd Boehly dhe Hansjorg Wyss kanë shtuar negociatat me manjatin rus. Abramovich kërkon ta shesë sa më parë Chelsean dhe kërkesa e tij është 3.4 miliardë euro.
Oferta e bërë nga dyshja Behly dhe Wyss është ndjeshëm më e ulët se sa kërkesa e presidentit të Chelsea. Ata janë ndalur te shifra e 2.3 miliardë eurosh, ndërsa Abramovich nuk është i gatshëm të pranojë këtë ofertë.
Nga ana tjetër, manjati rus u ka dhënë bankierëve amerikanë të Raine Group një mandat për të gjetur një blerës deri në mes të marsit.